bara.e-nam koi rabta hua to sahi
ki ek shaḳhs mire haal par hansa to sahi
zara si der ko sadiyon ki ḳhamushi to ga.i
navah-e-jan se koi shor sa uTha to sahi
dil-e-shikasta ko mauhum si ummid to thi
mujhe nasib nahin tha magar vo tha to sahi
kabhi tamam to kar bad-gumaniyon ka safar
kisi bahane kisi roz aazma to sahi
ye kya ki harf-o-sada ka tabadala bhi nahin
kahan hai kaisa hai ai dost kuchh bata to sahi
har ek dil ko mohabbat pasand hona hai
‘aqil’ ab na sahi main nahin raha to sahi
Leave a Reply