bahar-e-gulshan-e-ayyam huun main
sahar nuur o savad-e-sham huun main
shitab aa ai mah-e-isa-nafas tu
ki khurshid-e-kanar-e-bam huun main
agar manzur hai aana to jald aa
ki tujh bin sakht be-aram huun main
bajae mai tiri duuri men ai gul
ba-rang-e-lala khun-asham huun main
muhibb-o-mukhlis o fidvi huun tera
samajh tu laeq-e-dushnam huun main
tujhe dekh aap men rahta nahin main
gharaz tujh vasl se nakam huun main
bahar aai chaman men go mujhe kya
giraftar o asir-e-dam huun main
nishan apna kahin paaya nahin yaan
faqat anqa-sifat yak naam huun main
na paigham o salam o ne mulaqat
abas tujh ishq men bad-nam huun main
na huun parvana-e-har-shama ‘bedar’
fida-e-sarv-e-gul-andam huun main