mere malik
kya ham bandiyan hain
jo aag men jala kar maar di jaaen
ham vo javaniyan hain
mohabbat ke naam par jo masal di jaaen
ham vo kaliyan hain
havas ka nishana bana kar
jin ke par noch liye jaaen
ham vo titliyan hain
jo maslahat ke naam par
qurban kar di jaaen ham vo betiyan hain
jo sharai jaedad se mahrum kar di jaaen ham vo bahnen hain
mere malik
kyuun ham bandiyan hain
Leave a Reply