Bana Rahe Koi Dam Naqsh-E-Pa Se Kaun Kahe

banā rahe koī dam naqsh-e-pā se kaun kahe

abhī na ḳhaak uḌaa.e havā se kaun kahe

pa.e nashāt nafas-do-nafas bachā ke rakhe

ye mudda.ā dil-e-be-mudda.ā se kaun kahe

ga.ī to bū hī nahīñ rañg bhī guloñ se gayā

palaT ke baaġh meñ aa.e sabā se kaun kahe

vo multafit haiñ magar ab hameñ dimāġh nahīñ

kahe hue ko phir ab ibtidā se kaun kahe

bahut se rog duā māñgne se jaate haiñ

ye baat ḳhūgar-e-rasm-e-davā se kaun kahe

vo dil kā dard vo nā-guftanī suḳhan ‘ḳhurshīd’

ḳhudā se kah liyā ḳhalq-e-ḳhudā se kaun kahe

Leave a Comment