Sufi
bahut kuchh mehnaton se ik zara izzat kamai hai
andhere jhonpade men raushni jugnu se aai hai
tasadduq zindagi faqon pe us ke ahd-e-hazir men
ki jis ne jaan de kar aabru apni bachai hai
hamen inkar hai batil-paraston ki qayadat se
hamari zindagi ki har tamanna kar bulai hai
khud apne shahr men apna shanasai nahin koi
na jaane justuju apni ye kis manzil pe laai hai
ajab dastur hai ‘sahil’ ki is ahd-e-taraqqi men
bhalai men burai aur burai men bhalai hai
Leave a Reply