bahut ghutan hai koi surat-e-bayan nikle
agar sada na uthe kam se kam fughan nikle
faqir-e-shahr ke tan par libas baaqi hai
amir-e-shahr ke arman abhi kahan nikle
haqiqaten hain salamat to khvab bahutere
malal kyuun ho ki kuchh khvab raegan nikle
udhar bhi khaak udi hai idhar bhi khaak udi
jahan jahan se baharon ke karvan nikle
sitam ke daur men ham ahl-e-dil hi kaam aae
zaban pe naaz tha jin ko vo be-zaban nikle