Syed Anjum Jafri
baharon men tilism-e-gul-ruḳhan ka zikr karne do
shamim-e-kakul-e-ambar-fishan ka zikr karne do
vo jis se duur ho jaa.e gham-e-janan gham-e-dauran
usi daur-e-sharab-e-arghavan ka zikr karne do
buḌhapa duur hai zohd-o-vara.a jis ka taqaza hai
javani men to kuchh ishq-e-butan ka zikr karne do
ye sho.ale kis ne barsa.e ye atish kis ne bhaḌka.i
zamin pe rahne vaalo asman ka zikr karne do
tabahi tak to aa pahunche ba-faiz-e-maghfirat vaa.iz
ḳhudara ab to mir-e-karvan ka zikr karne do
Leave a Reply