afsar-mahpuri

Bahaar Aaegi Gulshan Mein To Dar-O-Gir Bhi Hogi

bahar aaegi gulshan men to dar-o-gir bhi hogi

jahan ahl-e-junun honge vahan zanjir bhi hogi

isi ummid par ham gamzan hain rah-e-manzil men

yahan zulmat sahi aage kahin tanvir bhi hogi

agar rahna hai gulshan men to apne ashiyane ki

kabhi takhrib bhi hogi kabhi taamir bhi hogi

yahi to soch kar ham un ki mahfil se chale aae

hamari khamushi ki kuchh na kuchh tafsir bhi hogi

ye ham bhi jante hain zindagi ik khvab hai ‘afsar’

magar is khvab ki akhir koi taabir bhi hogi

More Poems

Leave a Comment