Rauf Raheem
baghicha-e-atfal hai kuTiya mire aage
gora mire pichhe hai to kaala mire aage
is daur men jhuTon hi ki hoti hai ḳhushamad
leader ko bura kyon kaho achchha mire aage
aaya huun jo dubai se to ye chaav hain mere
saali mire pichhe hai to saala mire aage
schōl ki ta.alim ne gul aisa khilaya
ab ankhen dikhata hai bhatija mire aage
laaya tha bhaga kar mujhe le bhagi vo ghar se
jo main ne kiya tha vahi aaya mire aage
aghyar hasin hon to main huun un ka bhi ashiq
yaksan hai har ik apna paraya mire aage
qismat ko na kos apni ‘rahim’ itna samajh le
auron se kiya main ne jo aaya mire aage
Leave a Reply