baḌi choron ko asani hai mujh men
kisi andhe ki nigarani hai mujh men
miri ankhon se bahar jhankta hai
na-jane kaun zindani hai mujh men
dil-e-afsurda ne vo gul khila.e
jahan tak dekhun virani hai mujh men
bahut bechain rahti hai miri ruuh
use koi pareshani hai mujh men
khula ye raaz chashm-e-tar se mujh par
samundar se fuzun paani hai mujh men
ḳhuda ko azma.un lamha lamha
baḌi kafir musalmani hai mujh men
Leave a Reply