Bad-Guman Kya Qabr Mein Arman Tere Le Jaenge

Safi Aurangabadi

bad-guman kya qabr men arman tire le ja.enge

ham akele aa.e hain jaise akele ja.enge

kis qadar sabit qadam hain rah-ravan-e-dost

ja.enge phir un ki koi jaan le le ja.enge

hazrat-e-dil aur phir jaa.en na us ki bazm men

jhiḌkiyan de le koi ilzam de le ja.enge

tum sata lo mujh ko lekin yuun na har ik se milo

zulm sah lunga magar sadme na jhele ja.enge

is gali men Daal do ta sambhlen Thokar kha ke ghair

yuun bhi ik din ḳhaak men ankhon ke Dhele ja.enge

hai duaon ka asar sang-e-havadis hi agar

apne hathon phir to ye sadme na jhele ja.enge

ḳhair ḳhvahon raz-daron ki bahut niyyat dekh li

aaj se ham us ki mahfil men akele ja.enge

be-kasi men kaun kis ka saath deta hai safi’

milne vaale hain tamashe ke ye mele ja.enge