Baad-E-Majnun Kyun Na Hun Main Kar-Farma-E-Junun

baad-e-majnun kyuun na huun main kar-farma-e-junun

ishq ki sarkar se malbus-e-rusvai mila

ḳhuub sa sidha banega dekh ai sarv-e-chaman

us ki raanai se mat tu apni zebai mila

jal gaya parvana jis dam mahfil-arai ke saath

ḳhaak men sab shama ne di mahfil-arai mila

tala-e-bedar ki minnat uthane bhi na di

is se shab ham ko tamanna ḳhvab men laai mila

apni qismat men azal se thi likhi sar-gashtagi

gard-o-bad-asa jo kar-e-dasht-paimai mila

vah-va rahmat hai us ko aur mujh ko afrin

raah men ban kar asa jo ḳhar-e-sahrai mila

dast-giri bhi na ki tu ne ki jo naqsh-e-qadam

ḳhaak men main teri ḳhatir ai tavanai mila

sar-kashi ai charḳh mat kar dekh pesh-e-‘aftab’

ḳhaak men dega ye saari teri ḳhud-arai mila

Leave a Comment