Javed Jameel
ba-sad ḳhulus ba-tarz-e-nisab paḌh Dalen
kitab-e-ishq ka har ek baab paḌh Dalen
andhera aane pe ye ilm raushni dega
charagh bujhne se pahle kitab paḌh Dalen
pas-e-hijab ruḳh-e-mahnaz paḌh na sake
ho aaj izn agar be-hijab paḌh Dalen
ajab nahin ki naya azm dil men paida ho
hamari kya thi kabhi ab-o-tab paḌh Dalen
zamin pe bhi isi mizan ko karen qaa.em
falak pe darj ḳhuda ka ḳhitab paḌh Dalen
qayas kijiye kya kya saval a.enge
saval aane se pahle javab paḌh Dalen
shurua god se ho gor tak rahe jaari
hisab rakhiyega kya be-hisab paḌh Dalen
mutale.a ho maqale ka hai ye haq ‘javed’
mile na vaqt to lubb-e-lubab paḌh Dalen
Leave a Reply