Ahmad Sagheer Siddiqui
aur si dhuup ghata aur si rakkhi hui hai
ham ne is ghar ki faza aur si rakkhi hui hai
kuchh maraz aur sa ham ne bhi lagaya hua hai
aur us ne bhi dava aur si rakkhi hui hai
is qadar shor men bas ek hamin hain khamosh
ham ne honton pe sada aur si rakkhi hui hai
vo dua aur hai jo maang rahe hain ki abhi
dil men ik aur dua aur si rakkhi hui hai
qissa apna bhi purana hai sivae is ke
bas zara tarz-e-ada aur si rakkhi hui hai
Leave a Reply