Sufi

Asr-e-Hazir Ka Jo Insan Nazar Aata Hai

asr-e-hazir ka jo insan nazar aata hai

bas pareshan pareshan nazar aata hai

nafrat-o-bughz ki masmum hava aisi chali

kucha-e-janan bhi viran nazar aata hai

miri hasti ki imarat bhi gira sakta hai

us ki ankhon men jo tufan nazar aata hai

zinda insan bhi jalte hain chitaon men jahan

mulk ye aisa hi shamshan nazar aata hai

hadisa kaisa ye guzra hai ki har su mujh ko

karb-o-azar ka tufan nazar aata hai

is qadar badh gai saffaki-e-insan ‘ahsan’

jis ko dekho vahi haivan nazar aata hai

More Poems

Leave a Comment