Hadi Machlishahri
ashk-e-gham uqda-kusha-e-ḳhalish-e-jan nikla
jis ko dushvar main samjha tha vo asan nikla
kis qadar dast-e-junun be-sar-o-saman nikla
tujh main ik taar na ai chak-gireban nikla
uf vo taqdir jo tadbir ki paband rahi
haif vo dard jo minnat-kash-e-darman nikla
ḳhaak ho kar bhi raha jalva-tarazi ka dimagh
mera har zarra-e-dil tur-badaman nikla
al-aman vo ḳhalish-e-jan jo miTa.e na miTi
haa.e vo dam jo ba-sad-kavish-e-pinhan nikla
Leave a Reply