Ashk-Dar-Ashk Wahi Log Rawan Milte Hain

ashk-dar-ashk vahī log ravāñ milte haiñ

ḳhvāb kī ret pe jin jin ke nishāñ milte haiñ

mere dīvān ke māthe pe ye kis ne likkhā

ḳhuun meñ bhīge varaq saare yahāñ milte haiñ

maiñ ne ik shaḳhs se ik baar yuuñ hī pūchhā thā

aap kī tarah hasīñ log kahāñ milte haiñ

ek muddat se use log ufuq kahte haiñ

ek muddat se ka.ī dariyā jahāñ milte haiñ

ek vo dil jahāñ mahbūb rahā kartā hai

paas us dil ke kahīñ allāh-miyāñ milte haiñ

jin nigāhoñ meñ mohabbat ke makīñ hote haiñ

un nigāhoñ meñ hī ḳhushbū ke makāñ milte haiñ

Leave a Comment