ashk baaqi koi ab dida-e-giryan men nahin
phir bhi to koi kami sozish-e-pinhan men nahin
aarzu mujh ko kisi shahid-e-gul ki kya ḳhuub
meri qismat ke to kanTe bhi gulistan men nahin
fasl-e-gul aa.i to kya haif pa.e nazr-e-bahar
ab to ik taar bhi baaqi mire daman men nahin
zauq-e-nazzara pe hai azmat-e-jalva mauquf
dilkashi varna koi jalva-e-janan men nahin
sahab-e-ilm-o-fan-o-fikr-o-nazar hai ‘at.har’
rabt-e-baham magar is daur ke insan men nahin
Leave a Reply