fahmida-riaz

Aqlima

aqlima

jo habil ki qabil ki man-jai hai

man-jai

magar mukhtalif

mukhtalif biich men ranon ke

aur pistanon ke ubharon men

aur apne pet ke andar

apni kokh men

in sab ki qismat kyuun hai

ik farba bhed ke bachche ki qurbani

vo apne badan ki qaidi

tapti hui dhuup men jalte

tiile par khadi hui hai

patthar par naqsh bani hai

us naqsh ko ghaur se dekho

lambi ranon se uupar

ubhre pistanon se uupar

pechida kokh se uupar

aqlima ka sar bhi hai

allah kabhi aqlima se bhi kalam kare

aur kuchh puchhe

Akleema

More Poems

Leave a Comment