apnon ke karam se ya qaza se
mar jaa.en to aap ki bala se
girti rahi roz roz shabnam
marte rahe roz roz pyase
ai rah-zadagan kahin to pahunchea
munh moḌ ga.e jo rahnuma se
phir niind uḌa ke ja rahe hain
taron ke ye qafile nida se
muḌ muḌ ke vo dekhna kisi ka
nazron men vo duur ke dilase
palkon ki zara zara si larzish
paigham tire zara zara se
daata hain sabhi nazar ke aage
kya mangen chhupe hue ḳhuda se
kya haath uTha.iye dua ko
ham haath uTha chuke dua se
Leave a Reply