apni nakam mohabbat pe hansi aati hai
dil ki bigḌi hui qismat pe hansi aati hai
main ne samjha tha sahara jise apne dil ka
aaj mujh ko usi ulfat pe hansi aati hai
Dhal ga.i jo kisi be-rabt se afsane men
dil ki us taaza haqiqat pe hansi aati hai
chahta hai ki unhen sham-o-sahar pyaar kare
dil-e-ma.asum ki hasrat pe hansi aati hai
jis pari-vash ke liye main ne luTa di hasti
us ko bhi ab miri halat pe hansi aati hai
Leave a Reply