Sulaiman Jazib
apne hone se tu mukar gaya hai
pyaar ka bojh kya utar gaya hai
koi milta nahin gareban-chak
is ka matlab hai qais mar gaya hai
phir se fasl-e-bahar aane tak
phuul dil ka bikhar bikhar gaya hai
tu kahan hai use nahin malum
DhunDne tujh ko dar-ba-dar gaya hai
aa.ine ko banane vaala bhi
aa.ina dekhte hi Dar gaya hai
kab yaqin aa.ega tujhe ‘jazib’
apne va.ade se vo mukar gaya hai
Leave a Reply