Mushaf Iqbal Tausifi
apna shahkar abhi ai mire but-gar na bana
dil dhaḌakta hai mira tu mujhe patthar na bana
qaid-e-avargi-e-jan hi bahut hai mujh ko
ek divar miri ruuh ke andar na bana
aati jaati hui sanson pe lakiren mat khinch
meri tasvir mujhe paas biTha kar na bana
vo gharaunde tire bachpan men bhi Dah deti thi
ab to vo khel ki baten bhi nahin ghar na bana
ik tira dhyan jo TuTega bikhar ja.unga
mujh ko ik lahr pe bahne de samundar na bana
Leave a Reply