Apna Shahkar Abhi Ai Mere but-Gar Na Bana

apnā shahkār abhī ai mire but-gar na banā

dil dhaḌaktā hai mirā tū mujhe patthar na banā

qaid-e-āvārgī-e-jāñ hī bahut hai mujh ko

ek dīvār mirī ruuh ke andar na banā

aatī jaatī huī sāñsoñ pe lakīreñ mat khīñch

merī tasvīr mujhe paas biThā kar na banā

vo gharauñde tire bachpan meñ bhī Dah detī thī

ab to vo khel kī bāteñ bhī nahīñ ghar na banā

ik tirā dhyān jo TūTegā bikhar jā.ūñgā

mujh ko ik lahr pe bahne de samundar na banā

Leave a Comment