apna jamal mujh kuun dikhaya rasul aaj
aajiz ki iltimas kuun karna qubul aaj
ai mehrban tabib shitabi ilaaj kar
tere birah ke dard siin hai dil men suul aaj
marham tire visal ka lazim hai ai sanam
dil men lagi hai hijr ki barchhi ki huul aaj
gul-ru baghair khana-e-bulbul kharab hai
murjha raha hai sehn-e-gulistan men phuul aaj
be-fikr huun azab-e-qayamat siin ai ‘siraj’
din-e-mohammadi kuun kya huun qubul aaj
Leave a Reply