andhera itna nahin hai ki kuchh dikha.i na de
sukut aisa nahin hai jo kuchh suna.i na de
jo sunna chaho to bol uTThenge andhere bhi
na sunna chaho to dil ki sada suna.i na de
jo dekhna ho to a.ina-ḳhana hai ye sukut
ho aankh band to ik naqsh bhi dikha.i na de
ye ruhen is liye chehron se ḳhud ko Dhanpe hain
mile zamir to ilzam-e-bevafa.i na de
kuchh aaise log bhi tanha hujum men hain chhupe
ki zindagi unhen pahchan kar duha.i na de
huun apne-ap se bhi ajnabi zamane ke saath
ab itni saḳht saza dil ki ashna.i na de
sabhi ke zehn hain maqruz kya qadim o jadid
ḳhud apna naqd-e-dil-o-jan kahin dikha.i na de
bahut hai fursat-e-divangi ki hasrat bhi
‘vahid’ vaqt gar izn-e-ghazal-sara.i na de
Leave a Reply