Amal Ka Radd-E-Amal Waqt Ka Jawab Hun Main

amal kā radd-e-amal vaqt kā javāb huuñ maiñ

qubūl kījiye qudrat kā intiḳhāb huuñ maiñ

aziyyatoñ kā safar sabr aur ḳhāmoshī

abhī to saare mahāzoñ pe kāmyāb huuñ maiñ

tumhāre shauq meñ shāmil nahīñ junūn abhī

tumhārī tishna-labī ke liye sarāb huuñ maiñ

anā pe aa.ī to Takrā ga.ī huuñ dariyā se

bisāt vaise mirī kuchh nahīñ habāb huuñ maiñ

Leave a Comment