aish ke jalse hujum alam ke
shobade hain gardish-e-ayyam ke
himmat-e-mardana tujh ko afrin
kar ke chhoda sar hue jis kaam ke
subh ke bhule to aae shaam ko
dekhiye kab aaen bhule shaam ke
tu hi kar taklif o paik-e-saba
muntazir hain vo mire paigham ke
hasha lillah mai-kade ke kaase len
mo’taqid huun zahid-e-ullam ke
mit gai hai dil se azadi ki yaad
kitne khugar ho gae ham daam ke
ab to charche ja-ba-ja hone lage
vaizon ki bang-e-be-hangam ke
Leave a Reply