parveen-fana-syed

Aise Lamhat Bhi Guzarte Hain

aise lamhat bhi guzarte hain

jab na jiite hain ham na marte hain

ham ki shair hain dil ko khuun kar ke

apne giton men rang bharte hain

zindagi ki haqiqaton ke guhar

bahr-e-andesha se ubharte hain

kis qadar hoshiyar hain ham bhi

apni divangi se Darte hain

ik zara si khushi ki chahat men

ham ghamon se nibah karte hain

More Poems

Leave a Comment