Mohsin Shaafi
ain fitrat se pesh aate hain
ya.ani chahat se pesh aate hain
zarf apna hai ham adu se bhi
kuchh suhulat se pesh aate hain
jo bhi milta hai un ke kuche ka
ham aqidat se pesh aate hain
saath mushkil men chhoḌne vaale
ab nadamat se pesh aate hain
aise logon se duur rahta huun
jo zarurat se pesh aate hain
ye tire shahr ke makin ‘shafi’
kyuun hiqarat se pesh aate hain
Leave a Reply