poet

Ai Musawwir Yaad Ki Taswir Khincha Chahiye

ai musavvir yaad ki tasvir khincha chahiye

haath mera us ka daman-gir khincha chahiye

mujh se bismil ki agar tasvir khincha chahiye

ye gala mera tah-e-shamshir khincha chahiye

bast-e-zulf-e-musalsal hai ye dil surat-garo

donon janib us ke do zanjir khincha chahiye

rang-e-zard-e-ashiqan kar sirf ja-e-zafaran

is basanti-posh ki tasvir khincha chahiye

kaghaz-e-abri pe likh hal-e-dil-e-pur-soz-e-ishq

gird us ke barq ki tahrir khincha chahiye

More Poems

Leave a Comment