Poet
ai kahkashan guzar ke tiri rahguzar se ham
aage baḌhenge aur maqam-e-qamar se ham
azm-e-buland hausla-e-mustaqil liye
guzre har ek marhala-e-saḳht-tar se ham
dekha to hai zamin se tujhe gumbad-e-falak
dekhenge ab zamin ko tire bam-o-dar se ham
jab se hui hai aankh shab-e-gham se ashna
na-ashna hain lazzat-e-ḳhvab-e-sahar se ham
dil iztirab-o-dard se mahrum ho gaya
baaz aa.e tere lutf-o-karam ki nazar se ham
har taaza gham ke vaste ja-e-qayam hai
tang aa ga.e hain vus.at-e-qalb-o-jigar se ham
targhib de na ai dil-e-furqat-nasib tu
vaqif hain ḳhuub ah-o-fughan ke asar se ham
‘fazil’ hamara haal bhi hota tiri misal
rahte na hoshiyar agar rahbar se ham
Leave a Reply