Salma Shaheen
ai jan-e-jan tire mizaj ka falak bhi khuub hai
thake thake se baam par hasin dhanak bhi khuub hai
ajiib sehr hai tire huruf-e-pak-baz men
tire mizaj-e-shoala baar ki lapak bhi khuub hai
tire libas men basi hain jan-navaz khushbuen
masham-e-jan hai itr-bez ye mahak bhi khuub hai
nahin hai mo’atabar jo apna vasf khud bayan kare
ai jan-e-e’tibar us pe tera shak bhi khuub hai
tujhe main manti huun hai tira shuur mo’atabar
tiri hasin fikr ki chamak damak bhi khuub hai
pasand hain nazar nazar ko jaan tiri vajahaten
malih rukh ki ye chamak namak damak bhi khuub hai
samaaton men hone lagti hai ajiib raushni
tiri sada-e-nur ki lapak jhapak bhi khuub hai
Leave a Reply