ai dost kahin tujh pe bhi ilzam na aa.e
is meri tabahi men tira naam na aa.e
ye dard hai hamdam usi zalim ki nishani
de mujh ko dava aisi ki aram na aa.e
kandhe pe uTha.e hain sitam rah-e-vafa ke
shikva mujhe tum se hai ki do-gam na aa.e
lagta hai ki phailegi shab-e-gham ki siyahi
aansu miri palkon pe sar-e-sham na aa.e
main baiTh ke piita rahun bas teri nazar se
hathon men kabhi mere koi jaam na aa.e
baiTha huun diya ghar ka jo ‘nasir’ main jala ke
aisa na ho phir vo dil-e-nakam na aa.e
Leave a Reply