abbas-rizvi

Ahl-e-Junun The Fasl-e-Bahaaran Ke Sar Gae

ahl-e-junun the fasl-e-baharan ke sar gae

ham log khvahishon ki hararat se mar gae

hijr o visal ek hi lamhe ki baat thi

vo pal guzar gaya to zamane guzar gae

ai tirgi-e-shahr-e-tamanna bata bhi de

vo chand kya hue vo sitare kidhar gae

vahshat ke is nagar men vo qaus-e-quzah se log

jaane kahan se aae the jaane kidhar gae

khushbu asiir kar ke udaae phiri hamen

phir yuun hua ki ham bhi faza men bikhar gae

More Poems

Leave a Comment