ahl-e-fan ahl-e-adab ahl-e-qalam kahte rahe
bad-zaban ko ham zaban-dan-e-ajam kahte rahe
jabr-o-istibdad ko jud-o-karam kahte rahe
sabr-o-ta.at ko ilaj-e-dard-o-gham kahte rahe
ham ko har mahfil men tha adab-e-mahfil ka ḳhayal
ehtiraman har kisi ko mohtaram kahte rahe
chashm-poshi se riya-kari ko shah milti rahi
aib-poshi ko sharafat ka bharam kahte rahe
arzu-e-maz.hab-o-millat bhi rakhni thi zarur
nang-e-mimbar ko bhi ham shaiḳh-e-haram kahte rahe
vo bhi nikle rahnumaon ke nuqush-e-kajravi
jin ko raahi raste ke pech-o-ḳham kahte rahe
barha dekha hai ‘mahir’ un ko maghmum-o-malul
ham jinhen parvurda-e-naz-o-ni.am karte rahe
Leave a Reply