Agar Ulti Bhi Ho Ai Mashriqi Tadbir Sidhi Ho

agar ulti bhi ho ai ‘mashriqi’ tadbir sidhi ho

magar ye shart hai insan ki taqdir sidhi ho

samajh men aae bhi kya kahte hain aur kya vo likhte hain

agar taqrir sidhi ho agar tahrir sidhi ho

vo aa kar khvab men ik bosa rukh ka de gae mujh ko

yaqin mujh ko nahin is khvab ki taabir sidhi ho

kaji ai ‘mashriqi’ ho duur kyuun kar kaj-mizajon ki

nahin mumkin ki pusht-e-asman-e-pir sidhi ho

Leave a Comment