khari baton ka zaiqa tursh hota hai
ba-hasiyat insan
aurat ki zarurat
kisi mard ko nahin
vo girvi rakhi jaae
ya bech di jaae
kirae pe li jaae
ya yak-musht kharid li jaae
us ke khayalat ki
bandar-bant mumkin nahin
hukm ki pabandi ka tauq pahan kar
jivan ki kutiya ka
kiraya ada karte hue
agar aurat kama sakti to
laati mard ke liye kharid kar
vo hausla
ki jis se vo apna chehra
us ke khayal aine men dekh sakta
na-khush tamam baton ko
insaf ke palde men taul sakta
adam-e-tahaffuz ke pinjre men
tisre darje ke qaidi ki haisiyat se
agar aurat kama sakti to
laati mard ke liye kharid kar
vo mohabbat
jo us ki fitri zarurat se mavara hoti
agar aurat kama sakti to
Leave a Reply