Wajeeh Sani
achchha hua ki ishq men barbad ho ga.e
majburiyon ki qaid se azad ho ga.e
kab tak fareb khate rahen qaid men rahen
ye soch kar asiir se sayyad ho ga.e
is kaifiyat ka naam hai kya sochte hain ham
aur doston ki zid hai ki farhad ho ga.e
milne ka man nahin to bahana naya tarash
ab to mukalme bhi tire yaad ho ga.e
bezar bad-mizaj ana-dar bad-lihaz
aise nahin the jaise tere ba.ad ho ga.e
‘sani’ faqat tumhara likha jin ḳhutut par
vo to kabhi ke za.ed-ul-mi.ad ho ga.e
Leave a Reply