Ram Riyaz
ab ke is tarah tire shahr men kho.e jaa.en
log malum karen ham khaḌe ro.e jaa.en
varaq-e-sang pe tahrir karen naqsh-e-murad
aur bahte hue dariya men Dubo.e jaa.en
suliyon ko mire ashkon se ujala jaa.e
daagh maqtal ke mire ḳhuun se dho.e jaa.en
kisi unvan chalo taaza karen zulm ki yaad
kyuun na ab phuul hi nezon men piro.e jaa.en
‘ram’ dekhe adam-abad ke rahne vaale
be-niyaz aise ki din raat hi so.e jaa.en
Leave a Reply