ab ikhtiyar men maujen na ye ravani hai
main bah raha huun ki mera vajud paani hai
main aur meri tarah tu bhi ik haqiqat hai
phir is ke baad jo bachta hai vo kahani hai
tire vajud men kuchh hai jo is zamin ka nahin
tire khayal ki rangat bhi asmani hai
zara bhi dakhl nahin is men in havaon ka
hamen to maslahatan apni khaak udani hai
ye khvab-gah ye ankhen ye mera ishq-e-qadim
har ek chiiz miri zaat men purani hai
vo ek din jo tujhe sochne men guzra tha
tamam umr usi din ki tarjumani hai
navah-e-jan men bhatakti hain khushbuen jis ki
vo ek phuul ki lagta hai rat-rani hai
iradatan to kahin kuchh nahin hua lekin
main ji raha huun ye sanson ki khush-gumani hai
Leave a Reply