ab bhi milte hain karam bar-e-nazar hoti hai
par mulaqat ba-andaz-e-digar hoti hai
ab na hamdard andhera hai na shab ka parda
ab tiri ḳhair ho ai dil ki sahar hoti hai
ishq aur husn ko aapas men magan rahne do
varna buniyad jahan zer-o-zabar hoti hai
un ke jaate hi ye ho jaati hai halat apni
kaan aahaT pe lage dar pe nazar hoti hai
ham jo ruḳhsat hue duniya se to duniya chaunki
dil na jab dhaḌke jabhi dil ki ḳhabar hoti hai
Leave a Reply