avegi meri qabr se avaz mere baad
ubhrenge ishq-e-dil se tire raaz mere baad
jiina mira to tujh ko ghanimat hai na-samajh
khinga kaun phir ye tire naaz mere baad
sham-e-mazar aur ye soz-e-jigar mira
har shab karenge zindagi na-saz mere baad
hasrat hai is ke dekhne ki dil men be-qayas
aghlab ki meri ankhen rahen baaz mere baad
karta huun main jo naale sar-anjam baagh men
munh dekho phir karenge ham avaz mere baad
bin gul mua hi main to pa tu ja ke lautiyo
sehn-e-chaman men ai par-e-parvaz mere baad
baitha huun ‘mir’ marne ko apne men mustaid
paida na honge mujh se bhi janbaz mere baad
Leave a Reply