Aatish-E-Soz-E-Mohabbat Ko Bujha Sakta Hun Main

Poet

atish-e-soz-e-mohabbat ko bujha sakta huun main

dida-e-pur-nam se ik dariya baha sakta huun main

husn-e-be-parva tira bas ik ishara chahiye

meri hasti kya hai hasti ko miTa sakta huun main

ye to farma dijiye takmil-e-ulfat ki qasam

aap ko kya vaqa.i apna bana sakta huun main

ishq men roz-e-azal se dil hai paband-e-vafa

bhulne vaale tujhe kyunkar bhula sakta huun main

ham-nafas mutlaq bhi tufan-e-alam ka gham nahin

bahr ki har mauj ko sahil bana sakta huun main

baḳhsh di hain ishq ne is darja mujh ko himmaten

zaḳhm kha kar dil pe ‘qaisar’ muskura sakta huun main