aarzu ki hama-hami aur main
dard-e-dil dard-e-zindagi aur main
mauja-e-qulzum-e-abad aur tu
chand bundon ki tishnagi aur main
rat-bhar teri raah takte rahe
tere kuche ki raushni aur main
chhup ke milte hain teri yadon se
shab ki tanha.i chandni aur main
ek hi raah ke musafir hain
be-karan raat ḳhamushi aur main
raat us paikar-e-ḳhayal ke paas
chand phulon ki boss thi aur main
ye bhi ik manzil-e-junun thi ‘jalil’
varna zindan-e-agahi aur main
Leave a Reply