Pandit Vidya Rattan Asi
aap nahaq malal karte hain
muft ji ko niDhal karte hain
jins-e-iḳhlas is zamane men
aap bhi kya kamal karte hain
ma.il-e-lutf the jo kal ham par
aaj jiina muhal karte hain
aap milte hain jab kabhi ham se
log lakhon saval karte hain
be-piye mai haram hoti hai
rind pi kar halal karte hain
aap zinda ho kis tarah ‘asi’
dost aksar saval karte hain
Leave a Reply