Aap Aur Hum Salam Bhi Na Karen

aap aur ham salām bhī na kareñ

nafrateñ itnī aam bhī na kareñ

kuchh na boleñ tire ḳhilāf magar

ḳhud se kyā ab kalām bhī na kareñ

kar nahīñ paa.eñ gar hifāzat aap

qatl kā intizām bhī na kareñ

kuchh na kuchh ham se kaam hai varna

aap yuuñ to salām bhī na kareñ

log hamdardiyāñ jatāne lageñ

dard ko itnā aam bhī na kareñ

sirf uljhe raheñ siyāsat meñ

log kyā kām-vām bhī na kareñ

Leave a Comment