Karamat Bukhari
aaj ḳhalvat men ḳhuda yaad aaya
phir mujhe harf-e-dua yaad aaya
yaad na aane ka va.ada kar ke
vo to pahle se siva yaad aaya
jab kahin phuul mahakte dekhe
phir tira band-e-qaba yaad aaya
jab ghaTa.en kabhi ghir kar aa.iin
kya bata.en hamen kya yaad aaya
yaad aa.i tire chehre ki chamak
zulmat-e-shab men diya yaad aaya
pyaas men jab hui paani ki talab
vaqi.a-e-karb-o-bala yaad aaya
Leave a Reply