aaj gulshan men ye afvah uḌa di jaa.e
zindagi ki sabhi ḳhushiyon ko hava di jaa.e
bada-e-uns yuun taqsim gira di jaa.e
koi baaqi na rahe sab ko pila di jaa.e
parcham ab zulm ka lahrate hain har su zalim
aap batla.iye kis-kis ko saza di jaa.e
log jebon men chhupe saanp liye phirte hain
qarya-qarya ye ḳhabar sab ko suna di jaa.e
jhukne paa.e na kabhi amn-o-aman ka parcham
uTTho nafrat ki ye divar gira di jaa.e
hind mera hi nahin sab ka hi pyara hai vatan
dil men har ek ke ye baat biTha di jaa.e
lafz asan ‘niyazi’ hain tiri ghazlon men
in men ab ‘mir’ ki tasvir laga di jaa.e
Leave a Reply