aaj dil be-qarar hai mera
kis ke pahlu men yaar hai mera
kyuun na ushshaq par houun mansur
juun sipand ah-dar hai mera
be-qarar us ka hunga hashr men bhi
yahi us se qarar hai mera
rang-e-zard aur sarishk-e-surkh to dekh
kya khizan men bahar hai mera
mere qatil ke kaf hinai nahin
musht-khun yadgar hai mera
khol kar qabr dekh mashq-e-junun
ki kafan taar taar hai mera
aate jaate magar tu thukrave
tere dar par mazar hai mera
aankh munde hai meri khaak se bhi
yaan tak us ko ghubar hai mera
jiite raho kyuun hue raqib ke haar
yahi siine men khaar hai mera
tere kuche ke sag ki pa-bosi
bais-e-iftikhar hai mera
banda-e-yar ‘uzlat’-e-marhum
naqsh-e-lauh-e-mazar hai mera