Hasan Akbar Kamal
aaj bhi teri hi surat hai muqabil mere
ye bhi ik ishq ka andaz hai qatil mere
tera mahrum-e-mohabbat huun so vapas na gaya
be-mohabbat kabhi dar se koi saa.il mere
husn-e-bimar tujhe phuul diye hain main ne
in men hone the magar zaḳhm bhi shamil mere
aur main huun ki safar phir bhi kiye jaata huun
saa.e ki tarah ta.aqub men hai manzil mere
main samundar ke talatum se bhi kuchh sikhta huun
isi taqsir pe dushman hue sahil mere
aaj ara.ishi zanjir hai gardan men ‘kamal’
kabhi hathiyar gale men the hama.il mere
Leave a Reply